പൃഥ്വിരാജ് കേന്ദ്ര കഥാപാത്രത്തെ അവതരിപ്പിച്ച ത്രില്ലർ ചിത്രമായിരുന്നു സെവൻത് ഡേ. ചിത്രത്തിൽ താരത്തിന്റെ ' കർണ്ണൻ നെപ്പോളിയൻ ഭഗത് സിംഗ് 'എന്ന് തുടങ്ങുന്ന മാസ്സ് ഡയലോഗ് തിയേറ്ററിനു പുറത്തും വലിയ ഓളമാണ് സൃഷ്ടിച്ചത്. ഇപ്പോൾ ഇതേ ഡയലോഗ് ഒരു സിനിമയ്ക്കു ടൈറ്റിൽ ആയി നൽകിയിരിക്കുകയാണ്. പുതുമുഖ സംവിധായകൻ ശരത് ജി മോഹൻ സംവിധാനം ചെയ്യുന്ന ചിത്രത്തിന് നൽകിയിരിക്കുന്ന പേര് ' കർണ്ണൻ നെപ്പോളിയൻ ഭഗത് സിംഗ്' എന്നാണ്. ഫസ്റ്റ്  പേജ് എന്റെർറ്റൈന്മെന്റിന്റെ ബാനറിൽ നിർമ്മിക്കപ്പെടുന്ന ചിത്രത്തിന്റെ ടൈറ്റിൽ മോഷൻ പോസ്റ്റർ അണിയറപ്രവർത്തകർ പുറത്തു വിട്ടു. ചിത്രത്തിൽ ആരൊക്കെയാണ് അഭിനയിക്കുന്നതെന്നോ അണിയറ പ്രവർത്തകരെ സംബന്ധിച്ച മറ്റു വിവരങ്ങളോ പങ്കുവെച്ചിട്ടില്ല.