ഹൈന്ദവ വിശ്വാസികൾ ഇന്ന് ശ്രീകൃഷ്ണ ജയന്തി ആഘോഷിക്കുന്നു. ഗുരുവായൂർ ഉൾപ്പെടെയുള്ള പ്രമുഖ ക്ഷേത്രങ്ങളിൽ വിപുലമായ പരിപാടികളാണ് ശ്രീകൃഷ്ണ ജയന്തിയോട് അനുബന്ധിച്ചു സംഘടിപ്പിച്ചിരിക്കുന്നത്. സംസ്ഥാനത്ത് ബാലഗോകുലത്തിന്റെ നേതൃത്വത്തിൽ പതിവ് പോലെ ശോഭായാത്രകൾ ഉണ്ടാകും. ഗുരുവായൂരും അമ്പലപ്പുഴയും ഉൾപ്പെടെ പ്രധാന ശ്രീകൃഷ്ണ ക്ഷേത്രങ്ങളിൽ ഇന്നലെ വൈകിട്ട് മുതൽ വൻ ഭക്തജനത്തിരക്കാണ് അനുഭവപ്പെടുന്നത്. ശ്രീകൃഷ്ണന്റെ പിറന്നാൾ ദിനമായ അഷ്ടമി രോഹിണിക്കു പ്രത്യേക പൂജകൾക്കൊപ്പം വിപുലമായ പിറന്നാൾ സദ്യയും ക്ഷേത്രങ്ങളിൽ ഒരുക്കിയിട്ടുണ്ട്