മിഥുനമാസ പൂജയും ഉല്‍സവവും നടക്കുന്ന വേളയില്‍ ശബരിമല ദര്‍ശനത്തിന് വിശ്വാസികളെ അനുവദിക്കാനുള്ള സര്‍ക്കാറിന്‍റെയും ദേവസ്വം ബോര്‍ഡിന്‍റെയും തീരുമാനത്തിനെതിരെ അയ്യപ്പ സേവാസമാജം. സര്‍ക്കാര്‍ തീരുമാനം സ്റ്റേ ചെയ്യണമെന്ന് ചൂണ്ടിക്കാട്ടി ആണ് അയ്യപ്പ സേവാ സമാജം ഹൈകോടതിയില്‍ ഹർജി നല്‍കിയത്. 

കോവിഡ് ബാധ വ്യാപിക്കുന്ന സാഹചര്യത്തില്‍ സംസ്ഥാന സര്‍ക്കാര്‍ ശബരിമല പ്രവേശനം അനുവദിക്കരുത്. തീരുമാനത്തില്‍ നിന്ന് സര്‍ക്കാര്‍ പിന്മാറണം. വിഷയത്തില്‍ കോടതി ഇടപ്പെട്ട് അടിയന്തര സ്റ്റേ അനുവദിക്കണമെന്നും ഹർജിയിൽ ആവശ്യപ്പെടുന്നു.