യാക്കോബായ സഭയുടെ ആരാധനാലയങ്ങള്‍ കയ്യടക്കാന്‍ ഓര്‍ത്തഡോക്‌സ് സഭ ശ്രമിക്കുന്നതായി ആരോപിച്ച്‌ മനുഷ്യച്ചങ്ങല തീര്‍ക്കാന്‍ മണര്‍കാട് സെന്റ് മേരീസ് യാക്കോബായ സുറിയാനി കത്തീഡ്രല്‍ തീരുമാനിച്ചു. മണർക്കാട് ഇടവകാം​ഗങ്ങളും  കോട്ടയം ഭദ്രാസനത്തിലെ എല്ലാ വിശ്വാസികളുമായും സഹകരിച്ചാണ് നവംബര്‍ 3ന് ഉച്ചയ്ക്ക് രണ്ടു മണിക്ക്  മനുഷ്യചങ്ങല തീർക്കുന്നത്. മണര്‍കാട് പള്ളിയുടെ മദ്ബഹായില്‍നിന്ന് ആരംഭിക്കുന്ന മനുഷ്യച്ചങ്ങല കോട്ടയം തിരുനക്കര വരെ നീളും. മനുഷ്യചങ്ങല സംബന്ധിച്ച സുപ്രധാന ആലോചനായോ​ഗം  ഇന്ന് 3ന് മണര്‍കാട് പള്ളിയില്‍ ചേരുമെന്ന് വികാരി ഇ.ടി.കുര്യാക്കോസ് കോറെപ്പിസ്‌കോപ്പ പറഞ്ഞു.