സീറോ മലബാർ സഭയിലെ കുർബാന ഏകീകരണത്തിൽ അന്തിമ തീരുമാനം ഉടൻ ഉണ്ടായേക്കും. ജനാഭിമുഖ കുർബാന അനുവദിക്കണമെന്നാവശ്യപ്പെട്ട് അങ്കമാലി അതിരൂപതയിലെ ഒരു വിഭാഗം വൈദികരുടെ നേതൃത്വത്തിൽ ഇന്ന് പ്രത്യേക ഉപവാസ സമരം നടത്തും. സമ്മർദ്ദത്തിന് വഴങ്ങി കുർബാന ഏകീകരണം അംഗീകരിക്കില്ലെന്ന നിലപാടിലാണ് പ്രതിഷേധം തുടരുന്ന വൈദികർ. ഒരു അതിരൂപതയ്ക്ക് മാത്രമായി പ്രത്യേക ഇളവ് നൽകാനാകില്ലെന്ന് നേരത്തെ സിനഡ് വിമതപക്ഷത്തെ അറിയിച്ചിരുന്നു. ഈ സാഹചര്യത്തിൽ പ്രതിഷേധം തുടരുന്ന വൈദികർ പുതിയ സമര പരിപാടികൾ പ്രഖ്യാപിക്കും.