രണ്ട് വാക്സിൻ സ്വീകരിക്കാത്ത  അയ്യപ്പഭക്തരെ തമിഴ്‌നാട്-കേരള അതിർത്തിയിൽ തടയാൻ തീരുമാനം. ഉത്തമപാളയത്ത് ചേർന്ന ഉദ്യോഗസ്ഥരുടെ ആലോചനാ യോഗത്തിലാണ് തീരുമാനമായത്. ശബരിമല ദർശനത്തിനായി തമിഴ്‌നാട്, ആന്ധ്രാപ്രദേശ്, തെലങ്കാന, കർണാടക, എന്നീ സംസ്ഥാനങ്ങളിൽ നിന്നുള്ള നിരവധി ഭക്തർ തേനി ജില്ല വഴി ശബരിമലയിലെത്തുന്നുണ്ട്. തമിഴ്‌നാട്-കേരള അതിർത്തി പ്രദേശങ്ങളായ കുമളിയിലും കമ്പംമെട്ടിലും അയ്യപ്പഭക്തരെ  പരിശോധനയ്ക്ക് വിധേയമാക്കും. രണ്ട് തവണ പ്രതിരോധ കുത്തിവയ്പ് എടുത്തതിന്റെ രേഖ കാണിക്കുന്നവരെ മാത്രമേ കേരളത്തിൽ പ്രവേശിപ്പിക്കൂവെന്ന് അധികൃതർ പറഞ്ഞു.വാക്സിൻ സ്വീകരിക്കാത്തവരെ  തിരിച്ചയക്കും. ആർ.ഡി.ഒ. കൗസല്യ അധ്യക്ഷയായി. ഉത്തമപാളയം തഹസീൽദാർ അർജുനൻ എന്നിവർക്ക് പുറമെ  ആരോഗ്യ, വനം, ഹൈവേ, ഫയർ, മുനിസിപ്പൽ, വൈദ്യുതി എന്നീ വകുപ്പുകളുടെ ഉദ്യോഗസ്ഥരും യോഗത്തിൽ  പങ്കെടുത്തു.