ഭക്തലക്ഷങ്ങളുടെ വഴികാട്ടിയായ കൽക്കി ഭ​ഗവാനെതിരെ അനധികൃത സ്വത്ത് സമ്പാദിച്ചതിന് കേസ്. കണക്കിൽപ്പെടാത്ത  409 കോടി കള്ളപ്പണമാണ് ആദായനികുതി വകുപ്പ് നടത്തിയ റെയ്ഡിൽ പിടിച്ചെടുത്തത്. പിടിച്ചെടുത്ത നോട്ടുകെട്ടുകൾ‌ യു ടൂബിലൂടെ വൈറലായിരിക്കുകയാണ്. ആന്ധ്രാപ്രദേശിലെ വരടൈപാലം , ചെന്നൈ, ബാംഗ്ളൂരു  എന്നിവിടങ്ങളിലെ ആശ്രമങ്ങളിൽ‌ നടത്തിയ റെയ്ഡിലാണ് കൽക്കി ഭ​ഗവാൻ കുടുങ്ങിയത്. ചൈന്ന, യു. എസ്, സിങ്കപ്പൂർ  എന്നിവിടങ്ങളിൽ നിന്നും   കണക്കിൽ കവിഞ്ഞ പണം സ്ഥാപനത്തിൽ എത്തിയതയായി അന്വേഷണത്തിൽ തെളിഞ്ഞു. ആത്മീയവ്യാപാരത്തിനു പുറമേ റിയൽ എസ്റ്റേറ്റ്, കായികവിദ്യാഭ്യാസസ്ഥാപനങ്ങൾ എന്നിവയിലും  കൽക്കി ഭ​ഗവാന് വൻ നിക്ഷേപമുള്ളതായി കണ്ടെത്തി.  അമ്മഭ​ഗവാൻ എന്നും  വിളിക്കുന്ന കൽക്കിഭ​ഗവാന്റെ ട്രസ്റ്റിനു കീഴിൽ നിരവധി ആശുപത്രികളും   വിദ്യാഭ്യാസ സ്ഥാപനങ്ങളും   പ്രവർത്തിക്കുന്നുണ്ട്. കാണാനെത്തുന്ന ഭക്തരിൽ നിന്നും വൻതുകയാണ് കൽക്കിഭ​ഗവാൻ ദക്ഷിണയായി സ്വീകരിക്കുന്നത്. ബിസിനസ്സുകാരാണ് കൂടുതലും കൽക്കി ഭ​ഗവാനെത്തേടിയെത്തുന്നത്. ബിസിനസ് സ്ഥാപനങ്ങളിൽ കൽക്കിഭ​ഗവാന്റെ ചിത്രം  വച്ചാൽ ധനം  വർധിക്കും  എന്നാണ് വിശ്വാസം  . കൽക്കിഭ​ഗവാന്റെ പാദപൂജയ്ക്ക് 10000 രൂപയാണ്.  മെഡിറ്റേഷൻ ക്ളാസിന്  ഒരു കോഴ്സിലേക്ക് 20000 രൂപയാണ് വാങ്ങുന്നത്.