ഇന്ന് വിജയദശമി.  വിവിധ ഭാഗത്ത് നൂറുകണക്കിന് കുഞ്ഞുങ്ങൾ ഇന്ന് ക്ഷേത്രങ്ങളിലും സാംസ്കാരിക സ്ഥാപനങ്ങളിലും വിദ്യാരംഭം കുറിക്കും. തിരുവനന്തപുരത്ത് പൂജപ്പുര മണ്ഡപം, ഐരാണിമുട്ടം തുഞ്ചൻസ്മാരകം, തുടങ്ങിയ ഇടങ്ങളിൽ കോവിഡ് മാർഗരേഖ പാലിച്ചാണ് ചടങ്ങുകൾ. പൂജപ്പുരമണ്ഡപത്തിൽ ഇത്തവണയും ഗുരുക്കന്മാരില്ല. രക്ഷിതാക്കൾതന്നെ കുഞ്ഞുങ്ങളെ അക്ഷരമെഴുതിക്കണം. ഹരിശ്രീ കുറിക്കാനുള്ള അരിയും താലവും കൊണ്ടുവരണം. രാവിലെ അഞ്ചരയ്ക്ക് ചടങ്ങുകൾ തുടങ്ങി. മുൻകൂട്ടി റജിസ്റ്റർ ചെയ്ത അറുനൂറുപേർക്കുമാത്രമാണ് അവസരം. ആൾക്കൂട്ടം ഒഴിവാക്കാൻ റജസ്റ്റർ ചെയ്യുമ്പോൾതന്നെ  വിദ്യാരംഭത്തിനുള്ള സമയവും നൽകിയിട്ടുണ്ട്.  അരമണിക്കൂറിൽ അൻപത് പേർക്ക് പ്രവേശനം അനുവദിക്കും.