ശമ്പളം പോലും നൽകാൻ പണമില്ലാതെ തിരുവിതാംകൂർ ദേവസ്വം ബോർഡ് അതിഗുരുതര സാമ്പത്തിക പ്രതിസന്ധിയിൽ.നിലവിൽ ബോർഡിന്റെ നീക്കിയിരിപ്പ് 10 കോടിയിൽ താഴെ മാത്രമാണ്. സർക്കാരിനോട് വീണ്ടും സഹായം തേടിയതായി ബോർഡ് പ്രസിഡൻ്റ് എൻ.വാസു അറിയിച്ചു. കൊവിഡ് പ്രതിസന്ധി മൂലം വരുമാനം നിലച്ചതാണ് പ്രശ്ന കാരണം. പത്ത് കോടി രൂപയുടെ നീക്കിയിരിപ്പിന് പുറമെ 13 കോടി രൂപ നിക്ഷേപമായി ഉണ്ട്. എന്നാൽ ഈ പലിശയും ജീവനക്കാർക്ക് ശമ്പളം നൽകാൻ തികയാത്തതുകൊണ്ടാണ് ബോർഡ് സർക്കാർ സഹായം തേടിയിരിക്കുന്നത്.