ജ്യോതിഷൻ തിരുവനന്തപുരം കുന്നുകുഴി ശ്രീവിനായകയിൽ കെ. കുമാരദാസ് (59) അന്തരിച്ചു. അസുഖബാധിതനായി കുറച്ചു നാളായി ചികിത്സയിലായിരുന്നു. സ്വകാര്യ ആശുപത്രിയിലായിരുന്നു അന്ത്യം. കേരള കൗമുദി വാരാന്ത്യപ്പതിപ്പിൽ 'വാരഫലം' എഴുതിയിരുന്ന കുമാരദാസ് കലാകൗമുദി മുഹൂർത്തം മാസികയുടെ ആരംഭകാലം മുതൽ ജ്യോതിഷ പംക്തി കൈകാര്യം ചെയ്തു വരികയായിരുന്നു. കോവളത്തെ കുഞ്ഞുകൃഷ്ണൻ ജ്യോത്സ്യന്റെ മകനാണ്. ഭാര്യ- വിജയശ്രീ (ചീഫ് മാനേജർ, എസ്ബിഐ), മകൾ- ദേവി.കെ. ദാസ് (വിദ്യാർത്ഥിനി, ബംഗളൂരു). സംസ്‌കാരം കോവളം നെടുമത്തെ കുടുംബവീടായ ശ്രീപത്മത്തിലെ വീട്ടുവളപ്പിൽ നടന്നു.