കൊവിഡ് വ്യാപനം തുടരുന്ന സാഹചര്യത്തിൽ റമദാനിലെ രാത്രി നമസ്‌കാര (തറാവീഹ്) ത്തിന് നിയന്ത്രണം ഏർപ്പെടുത്തി യുഎഇ ഭരണകൂടം. പള്ളികളിൽ സംഘം ചേർന്നുള്ള തറാവീഹ് നമ്‌സ്‌കാരം പരമാവധി 30 മിനുട്ടിൽ ഒതുക്കണമെന്ന് യുഎഇ ആരോഗ്യ മന്ത്രാലയം ആവശ്യപ്പെട്ടു.

ഇശാ നമസ്‌കാരവും തറാവീഹും കൂടി അര മണിക്കൂറിൽ കൂടാൻ പാടില്ല. നമസ്‌കാരത്തിന് എത്തുന്നവർ പൂർണമായും കൊവിഡ് മാനദണ്ഡങ്ങൾ പാലിക്കണമെന്നും മന്ത്രാലയം നിർദേശിച്ചു. യുഎഇയിൽ ഇതുവരെ 1414 പേരാണ് കൊവിഡ് ബാധിച്ചു മരിച്ചത്.