പൊന്നമ്പലമേട്ടിൽ മകരവിളക്ക് തെളിഞ്ഞു.  തിരുവാഭരണങ്ങൾ ഭഗവാന് ചാർത്തി ദീപാരാധന തീരുമ്പോൾ ഭക്തരുടെ  കണ്ണുകളെല്ലാം പൊന്നമ്പലമേട്ടിൽ. ഇരുൾവീഴും മുമ്പ് 6.45ന് ജ്യോതി തെളിഞ്ഞപ്പോൾ ശരണം വിളികൾ മുഴങ്ങി .സന്നിധാനത്തെത്തിയ തിരുവാഭരണം തന്ത്രി കണ്ഠര് രാജീവരും മേൽശാന്തി വി.കെ.ജയരാജ് പോറ്റിയും ചേർന്ന് അയ്യപ്പവിഗ്രഹത്തിൽ ചാർത്തി. ദീപാരാധനയ്ക്ക് പിന്നാലെ സെക്കൻഡുകളുടെ വ്യത്യാസത്തിൽ മൂന്ന് തവണ പൊന്നമ്പലമേട്ടിൽ ജ്യോതി തെളിഞ്ഞു.ആകാശത്ത് കൃഷ്ണപ്പരുന്ത് വട്ടമിട്ടു പറന്നു.കോവിഡ് സാഹചര്യത്തിൽ കർശന സുരക്ഷാ മാനദണ്ഡങ്ങൾ പാലിച്ചായിരുന്നു ഇത്തവത്തെ മകര വിളക്ക് ദർശനം. 5000 പേർക്കാണ് സന്നിധാനത്ത് ജ്യോതി ദർശിക്കാനുള്ള അവസരമുണ്ടായിരുന്നത്.