കഴിഞ്ഞ ദിവസം വേളി കായലിൽ കെ റ്റി ഡി സിയുടെ ഫ്ലോട്ടിംഗ് ബോട്ട് മുങ്ങിയ സംഭവവുമായി ബന്ധപ്പെട്ട് ടൂറിസം വകുപ്പ് മന്ത്രി കടകംപള്ളി സുരേന്ദ്രൻ രാജി വെയ്ക്കണം എന്നാവശ്യപ്പെട്ട് വെളിയിൽ പ്രതിഷധം ഇരമ്പുന്നു. സംഭവത്തിൽ വലിയ രീതിയിലുള്ള ക്രമക്കേട് നടന്നിട്ടുണ്ട് എന്നാരോപിച്ച് യൂത്ത് കോണ്ഗ്രസ് തിരുവനന്തപുരം നിയോജകമണ്ഡലം കമ്മറ്റിയുടെ ആഭിമുഖ്യത്തിൽ ബോട്ട് ക്ലബിന് മുൻവശം പ്രതിഷേധ സമരം നടന്നു. യൂത്ത് കോൺഗ്രസ്സ് സംസ്ഥാന വൈസ് പ്രസിഡൻറ്.എസ്.എം ബാലു ധർണ്ണ ഉത്ഘാടനം ചെയ്തു. കിരൺ ഡേവിഡ് സ്വാഗതം പറഞ്ഞു.  വെട്ടുകാട് കോൺഗ്രസ്സ് മണ്ഡലം കമ്മിറ്റി പ്രസിഡന്റ് രാമചന്ദ്രൻ, കൗൺസിലർമാരായ മേരി ലില്ലി രാജ, ഷീബാ പാട്രിക്ക് എന്നിവർ യോഗത്തിൽ സംസാരിച്ചു. കൗൺസിലർ പ്രതിഭാ ജയ കുമാർ നന്ദിയും രേഖപ്പെടുത്തി. ഉച്ചയ്ക്ക് പോലീസെത്തി പ്രതിഷേധപ്രവർത്തകരെ അറസ്റ്റ് ചെയ്ത നീക്കി.