നാളെമുതൽ പതിവായുള്ള പത്രസമ്മേളനങ്ങൾ ഒഴിവാക്കുമെന്ന മുഖ്യമന്ത്രിയുടെ പ്രഖ്യാപനത്തെ പരിഹസിച്ച് വി ടി ബൽറാം എം എൽ എ. അവലോകനത്തിന് ശേഷമുള്ള പിണറായി വിജയൻറെ പത്രസമ്മേളനത്തെ ആറുമണി തള്ള് എന്നാണ് ബൽറാം വിശേഷിപ്പിച്ചത്. "യ്യോ.. അപ്പോ നാളെ മുതല്‍ ആറുമണിത്തള്ള് ഇല്ലേ?. ഇങ്ങനൊന്നും ഒരാളോട് ചെയ്യരുത് ന്റെ ഷാജീ"യെന്ന് ബല്‍റാം ഫേസ്ബുക്കില്‍ കുറിച്ചു. പത്രസമ്മേളനങ്ങൾ ഇനിമുതൽ ഇടവിട്ടുള്ള ദിവസങ്ങളിൽ മാത്രമായിരിക്കുമെന്നാണ് പിണറായി വിജയൻ അറിയിച്ചത്. അതിനെതിരെയായിരുന്നു തൃത്താല എം എൽ എ ആയ ബൽറാമിന്റെ ട്രോൾ വർഷം.