കലാലയങ്ങളിൽ സംഘടനാ പ്രവർത്തനത്തിന് നിയമം കൊണ്ടുവരുമെന്ന് സംസ്ഥാന സർക്കാർ നിയമസഭയിൽ. കലാലയങ്ങളിൽ സംഘടനാ പ്രവർത്തനം നിരോധിച്ചുകൊണ്ടുള്ള ഹൈകോടതി വിധി, നിയമം കൊണ്ടുവരുന്നതിന് തടസ്സമല്ലെന്ന് മുഖ്യമന്ത്രി പിണറായി വിജയൻ പറഞ്ഞു. കലാലയങ്ങളിൽ രാഷ്ട്രീയ പ്രവർത്തനത്തിന് കോടതി കൊണ്ടുവന്ന നിരോധനത്തിനെതിരെ യുവ എംഎൽഎമാരായ എം സ്വരാജും വിടി ബൽറാമുമാണ് ശ്രദ്ധ ക്ഷണിക്കൽ കൊണ്ടുവന്നത്. കോടതി വിധിയുടെ അടിസ്ഥാനത്തിൽ തുടർനടപടികൾ നിയമോപദേശം തേടിയ ശേഷം സ്വീകരിക്കുമെന്നും മന്ത്രി ജലീൽ പറഞ്ഞു.