പെരിയ ഇരട്ട  കൊലപാതകവുമായി ബന്ധപ്പെട്ട മുഴുവൻ രേഖകളും ക്രൈം ബ്രാഞ്ച് സിബിഐ ക്ക് കൈമാറിയില്ലെന്ന് ആരോപണം. എറണാകുളം സിജെഎം കോടതിയില്‍ നല്‍കിയ സത്യാവാങ്മൂലത്തിലാണ് സിബിഐ ഇക്കാര്യങ്ങള്‍ വ്യക്തമാക്കിയിരിക്കുന്നത്. കേസ് ഡയറിയടക്കുമുള്ള രേഖകൾ ലഭിക്കാത്തതുമൂലം അന്വേഷണം വഴിമുട്ടിയ അവസ്ഥയിലാണ്. പോലീസ് അന്വേഷണത്തിലെ വീഴ്ചകൾ അക്കമിട്ട് നിരത്തിയാണ് ഹൈക്കോടതി ഇരട്ട കൊലക്കേസിൽ  കുറ്റപത്രം റദ്ദാക്കി കേസ് സിബിഐ ക്ക് കൈമാറിയത്. കുറ്റപത്രം ഏകപക്ഷീയമാണ്, ഗൂഢാലോചന അന്വേഷിച്ചിട്ടില്ല എന്നീ കാര്യങ്ങള്‍ ചൂണ്ടിക്കാട്ടിയാണ് കുറ്റപത്രം റദ്ദാക്കിയത്.