കേരളാ കോൺഗ്രസ്(എം)ൽ തമ്മിലടി രൂക്ഷമായ സാഹചര്യത്തിൽ കുട്ടനാട് സീറ്റ് ഏറ്റെടുത്ത് ഉപതെരഞ്ഞെടുപ്പിനെ നേരിടാൻ കോൺഗ്രസ് നീക്കങ്ങൾ. കഴിഞ്ഞ തവണ കുട്ടനാട് സ്ഥാനാര്‍ത്ഥിയായ  ജേക്കബ് എബ്രഹാമിനെ തന്നെ സ്ഥാനാര്‍ത്ഥിയാക്കുമെന്ന് പിജെ ജോസഫ് ഇതിനോടകം പ്രഖ്യാപിച്ചിരുന്നു. സീറ്റ് കേരളാ   കോൺഗ്രസ്സിന്‍റേതാണെന്നും രണ്ടില ചിഹ്നത്തിൽ സ്ഥാനാര്‍ത്ഥി ഉണ്ടാകുമെന്നും  ജോസ് കെ മാണിയും പറഞ്ഞു. മുൻമന്ത്രിയും കുട്ടനാട് എംഎൽഎയുമായ തോമസ് ചാണ്ടിയുടെ വിയോഗത്തോടെയാണ് കുട്ടനാട്ടിൽ ഉപതെരഞ്ഞെടുപ്പിന് കളം ഒരുങ്ങിയത്. അതിനിടെ കേരളാ കോൺഗ്രസ്സ്(എം) ൽ ജേക്കബ് വിഭാഗത്തിൽ അനൂപ് ജേക്കബും ജോണി നെല്ലൂരും വെവ്വേറെ നേതൃയോഗങ്ങൾ വിളിച്ചുചേർത്തത് യുഡിഎഫിനുള്ളിൽ  അതൃപ്തി ഉളവാക്കിയിട്ടുണ്ട്.