കോണ്‍ഗ്രസ് പാര്‍ട്ടിയുടെ ജന്മദിനം വിപുലമായി ആഘോഷിക്കുമെന്ന് കെ.പി.സി.സി വര്‍ക്കിംഗ് പ്രസിഡന്റ് കൊടിക്കുന്നില്‍ സുരേഷ് എം.പി. ഡിസംബര്‍ 28ന് രാവിലെ 9ന് കെ.പി.സി.സി ആസ്ഥാനത്ത് പതാക ഉയര്‍ത്തലും പതാകവന്ദനവും നടക്കും. പാളയം രക്തസാക്ഷി മണ്ഡപത്തില്‍ പുഷ്പാര്‍ച്ചനയും നടത്തും. ഗാന്ധി തൊപ്പി ധരിച്ച് പാര്‍ട്ടി പാതകയുമേന്തി കെ.പി.സി.സി പ്രസിഡന്റ് മുല്ലപ്പള്ളി രാമചന്ദ്രന്റെ നേതൃത്വത്തില്‍ ഗാന്ധി പാര്‍ക്കിലേക്ക് പദയാത്ര സംഘടിപ്പിക്കും.

പൗരത്വ നിയമ ഭേദഗതിക്കെതിരെയുള്ള പ്രതിഷേധ സംഗമവും  ഗാന്ധി പാര്‍ക്കില്‍ നടക്കും . കെ.പി.സി.സി പ്രസിഡന്റ് മുല്ലപ്പള്ളി രാമചന്ദ്രന്‍, പ്രതിപക്ഷ നേതാവ് രമേശ് ചെന്നിത്തല, കോണ്‍ഗ്രസ് പ്രവര്‍ത്തക സമിതി അംഗം ഉമ്മന്‍ചാണ്ടി ഉള്‍പ്പടെയുള്ള കോണ്‍ഗ്രസിന്റെ മുതിര്‍ന്ന നേതാക്കളും എം.പിമാര്‍, എം.എല്‍.എമാര്‍ തുടങ്ങിയവര്‍ പങ്കെടുക്കും