അയോദ്ധ്യ വിധിയെക്കുറിച്ച്‌  എം സ്വരാജ് എം എൽ എ ഇട്ട  ഫേസ്ബുക് പോസ്റ്റിനെ തുടർന്ന്  സ്വരാജിനെതിരെ നടപടി ആവശ്യപ്പെട്ടു ഉയർന്ന പരാതിയിന്മേൽ ഗവർണർ സർക്കാരിന്റെ മറുപടി ആരാഞ്ഞു . അയോദ്ധ്യ വിധിയെ പരിഹസിച്ച്‌  കൊണ്ടുള്ള സ്വരാജിന്റെ പോസ്റ്റിനെതിരെ യുവമോർച്ച സംസ്ഥാന പ്രസിഡന്റ്  പ്രകാശ് ബാബു ഡിജിപിയ്ക്ക് പരാതി  നല്കിയിരുന്നു . സ്വരാജിനെതിരെ നിയമ നടപടി സ്വീകരിക്കണമെന്ന പരാതിയിന്മേൽ മറുപടി നൽകാനാണ് സർക്കാരിനോട് ഗവർണർ നിർദേശിച്ചിരിക്കുന്നത് . പരാതി പ്രാധ്യാനത്തോടെ പരിഗണിച്ചു മറുപടി നൽകാനാണ് നിർദേശം .'വർത്തമാനകാല ഇന്ത്യയിൽ മറിച്ചൊരു വിധിയുണ്ടാകുമെന്നു നിഷ്കളങ്കരെ ,നിങ്ങളിപ്പോഴും പ്രതീഷിച്ചിരിക്കുന്നുവോ '. എന്നായിരുന്നു സ്വരാജിന്റെ ഫേസ്ബുക് പോസ്റ്റ്