പൗരത്വ  നിയമ ഭേദഗതിയിലൂടെ കേന്ദ്രസര്‍ക്കാര്‍ രാജ്യത്ത് മതവിവേചനം  നടപ്പാക്കിയെന്ന് കെ.പി.സി.സി പ്രസിഡന്റ് മുല്ലപ്പള്ളി രാമചന്ദ്രന്‍.നാനാത്വത്തില്‍ ഏകത്വം എന്ന ഇന്ത്യയുടെ മഹത്തായ സംസ്‌കാരത്തെയാണ് ഈ കരിനിയമത്തിലൂടെ കേന്ദ്രസര്‍ക്കാര്‍ തകര്‍ത്തത്. . മുസ്ലീം ജനവിഭാഗം ആശങ്കയിലാണ്. ഭരണഘടന ഉറപ്പുനല്‍കുന്ന സമത്വമെന്ന ആശയത്തെ പരിപൂര്‍ണ്ണമായി തകര്‍ക്കുന്നതാണ് പൗരത്വ ഭേദഗതി നിയമം. പ്രതിഷേധങ്ങളെ അടിച്ചമര്‍ത്താനാണ് ബി.ജെ.പി സര്‍ക്കാര്‍ ശ്രമിക്കുന്നത്.

പൗരത്വത്തിന് മതം മാനദണ്ഡമാക്കുന്നത് അംഗീകരിക്കാനാവില്ലെന്നും മുല്ലപ്പള്ളി പറഞ്ഞു പൊതുജനങ്ങള്‍ക്ക് ബുദ്ധിമുട്ടുണ്ടാക്കുന്ന വിധത്തില്‍ ഹര്‍ത്താല്‍ നടത്തി പ്രതിഷേധിക്കുന്നതിനോട് കോണ്‍ഗ്രസിന് യോജിക്കാനാവില്ല. ഹര്‍ത്താല്‍ ആഹ്വാനം ചെയ്ത സംഘടനകള്‍ അതില്‍ നിന്ന് പിന്‍മാറണമെന്നും മുല്ലപ്പള്ളി ആവശ്യപ്പെട്ടു.