അയോധ്യ വിധി വിമര്‍ശിക്കപ്പെടേണ്ടതാണെങ്കിലും മുസ്​ലിം സമൂഹം വിധിയെ സ്വീകരിക്കുകയാണ്​ വേണ്ടതെന്ന്​ മുന്‍ ബി.ജെ.പി നേതാവ്​ യശ്വന്ത്​ സിന്‍ഹ. ''സുപ്രീം കോടതിയുടേത്​ തെറ്റുകള്‍ നിറഞ്ഞ വിധിയാണ്​. നിറയെ പിഴവുകളുണ്ട്​ ആ വിധിയില്‍. എങ്കിലും മുസ്​ലിം സമുദായത്തോട്​ ഞാന്‍ പറയും, വിധി സ്വീകരിച്ച്‌​ എല്ലാം മറികടക്കണം എന്ന്​. സുപ്രീംകോടതി വിധിക്കുശേഷം മറ്റൊരു വിധിയില്ല. നാം മുന്നോട്ടുപോകണം'' -മുംബൈ സാഹിത്യോൽസവത്തിൽ  സംസാരിക്കവെ യശ്വന്ത്​ സിന്‍ഹ പറഞ്ഞു. അഴിമതിശക്തികളേക്കാള്‍ ഭേദം വര്‍ഗീയ ​ ശക്തികളാണെന്ന തീരുമാനത്തിനെ തുടര്‍ന്നാണ്​ 1993ല്‍ താന്‍ ബി.ജെ.പിയില്‍ ചേര്‍ന്നിരുന്നതെന്നും അദ്ദേഹം കൂട്ടിച്ചേര്‍ത്തു.