നിരപരാധികളായ കുട്ടികളെ  തീവ്രവാദികളാക്കുന്ന രീതിയാണ് മുഖ്യമന്ത്രിക്കെന്നു പ്രതിപക്ഷനേതാവ് രമേശ്  ചെന്നിത്തല നിയമസഭയിൽ ആരോപിച്ചു.  കോഴിക്കോട് മാവോയിസ്റ്റ് ബന്ധം ആരോപിച്ചു വിദ്യാർത്ഥികളെ അറസ്റ്റ് ചെയ്തു യു എ പി എ ചുമത്തിയതിയതുമായി ബന്ധപ്പെട്ട വിഷയത്തിലാണ് പ്രതിപക്ഷ നേതാവിന്റെ പ്രതികരണം . കമ്മ്യൂണിസ്റ്റുകളെ തേടി വരുന്ന ഫാസിസ്റ്റുകളുടെ കസേരയിൽ ഹിറ്റ്‍ലറിന് പകരം ഇപ്പോൾ പിണറായിയാണ് ഇരിക്കുന്നതെന്ന് പ്രതിപക്ഷ നേതാവ് കുറ്റപ്പെടുത്തി . ഈ  വിഷയത്തിൽ  അടിയന്തരപ്രമേയത്തിന്  അവതരണാനുമതി നിഷേധിച്ചതില്‍ പ്രതിഷേധിച്ച് പ്രതിപക്ഷം നിയമസഭയിൽ നിന്നും  ഇറങ്ങിപ്പോയി.