കര്‍ണാടകത്തില്‍ തുടരുന്ന രാഷ്ട്രീയ പ്രതിസന്ധിക്കിടെ, എം.എല്‍.എ സ്ഥാനം രാജിവച്ച് മുംബയിലേക്കു പോയ കോണ്‍ഗ്രസ് എം.എല്‍.എമാരെ അനുനയിപ്പിക്കാനെത്തിയ പാര്‍ട്ടി നേതാവ് ഡി.കെ. ശിവകുമാറിനെ ഹോട്ടല്‍ റിനൈസന്‍സിനു മുന്നില്‍ പൊലീസ് അറസ്റ്റ് ചെയ്യുന്നു. കോണ്‍ഗ്രസിനല്‍ നിന്നും ജെ.ഡി.എസില്‍ നിന്നും രാജിവച്ച 12 എം.എല്‍.എമാര്‍ ഈ ഹോട്ടലിലാണ് താമസം. ഇവരുമായി ചര്‍ച്ച നടത്താന്‍ ശിവകുമാര്‍ രാവിലെ മുതല്‍ ഹോട്ടലിന്റെ ഗേറ്റില്‍ കാത്തുനിന്നിട്ടും പൊലീസ് കടത്തിവിട്ടില്ല. അകത്തുള്ള എം.എല്‍.എമാര്‍ ശിവകുമാറില്‍ നിന്ന് സംരക്ഷണം ആവശ്യപ്പെട്ടതോടെ പൊലീസ് പ്രദേശത്ത് നിരോധനാജ്ഞ പ്രഖ്യാപിക്കുകയും ചെയ്തു.