യു പി നിയമസഭാ തിരഞ്ഞെടുപ്പുമായി ബന്ധപ്പെട്ട് നടത്തിയ പ്രസംഗത്തിൽ എസ്‌പിയും ബിഎസ്‌പിയും ജാതീയതയും രാജവാഴ്‌ച്ച കാലത്തെ രാഷ്ട്രീയവും പ്രയോഗിക്കുന്നവരാണെന്ന് കേന്ദ്ര ആഭ്യന്തര മന്ത്രി അമിത് ഷാ ആരോപിച്ചു. ഉത്തർപ്രദേശ് നിയമസഭാ തിരഞ്ഞെടുപ്പിൽ 403 സീറ്റിൽ 300 ലധികം സീറ്റുകളിൽ വിജയിക്കുമെന്ന് ആത്മവിശ്വാസവും അമിത് ഷാ പ്രകടിപ്പിച്ചു. സംസ്ഥാനത്ത് സമാജ് വാദി പാർട്ടിയും ബഹുജൻ സമാജ് വാദി പാർട്ടിയും തകർന്നടിയുമെന്നും അമിത് ഷാ പറഞ്ഞു.

‘കഴിഞ്ഞ നാല് വോട്ടെടുപ്പ് ഘട്ടങ്ങളിലും ഞാൻ ഉത്തർപ്രദേശിന്റെ നാനാ ഭാഗങ്ങളും സന്ദർശിച്ചിരുന്നു. എസ്‌പിയും ബിഎസ്‌പിയും പരാജയപ്പെടും. മൂന്നൂറിലധികം സീറ്റുകൾ നേടി ബിജെപി വീണ്ടും ഉത്തർപ്രദേശിൽ അധികാരത്തിലെത്തും.’ - അമിത് ഷാ പറഞ്ഞു.