കോണ്‍ഗ്രസില്‍ നിലവില്‍ പ്രശ്‌നങ്ങളൊന്നുമില്ലെന്ന് പ്രതിപക്ഷനേതാവ് വി.ഡി സതീശന്‍. പുനസംഘടന അതിന്റെ രണ്ടാം ഘട്ടത്തിലാണ്. മുതിര്‍ന്ന നേതാക്കളില്‍ ചിലര്‍ക്കുള്ള പരാതികള്‍ പരിഹരിച്ച് പാര്‍ട്ടി മുന്നോട്ടുപോകുകയാണ്.  കോണ്‍ഗ്രസില്‍ നിലവില്‍ പ്രശ്‌നങ്ങളില്ല. മുതിര്‍ന്ന നേതാക്കളുമായി ആശയവിനിമയം ശരിയായി നടന്നില്ല എന്ന പരാതി ഉയര്‍ന്നിരുന്നുവെന്നും അദ്ദേഹം പറഞ്ഞു. ആ പരാതി പരിഹരിച്ച് മുന്നോട്ടുപോകും. തുടര്‍ച്ചയായി ഉണ്ടായ രണ്ടുതോല്‍വികള്‍ കേരളത്തിലെ കോണ്‍ഗ്രസ് പ്രവര്‍ത്തകരെയും നേതാക്കളെയും നിരാശരാക്കിയിട്ടുണ്ട്. അവരുടെ ആത്മവിശ്വാസത്തിനും മങ്ങലേറ്റിരുന്നു. ഇപ്പോള്‍ സംഘടനാപരമായ പ്രശ്‌നങ്ങളെല്ലാം പരിഹരിച്ച് പാര്‍ട്ടി മുന്നോട്ടുപോകുകയാണെന്നും അദ്ദേ​ഹം പറഞ്ഞു