മൂന്ന് ദിവസത്തെ സിപിഐഎം കേന്ദ്രകമ്മിറ്റി ഇന്ന് അവസാനിക്കും. കേരളം, ബംഗാൾ ഉൾപ്പെടെയുള്ള സംസ്ഥാനങ്ങളിലെ തെരഞ്ഞെടുപ്പ് അവലോകന റിപ്പോർട്ടിന് കേന്ദ്ര കമ്മിറ്റി അംഗീകരം നൽകിയിരുന്നു.

അതേസമയം നിലവിലെ പൊതു രാഷ്ട്രീയ സാഹചര്യത്തെ കുറിച്ചുള്ള ചർച്ചകൾ ഇന്നും യോഗത്തിൽ തുടരും. പെഗാസസ് ഫോൺ ചോർത്തൽ, കർഷക പ്രക്ഷോഭം, വിലവർധനവ് ഉൾപ്പെടെയുള്ള വിഷയങ്ങളിൽ കേന്ദ്രസർക്കാരിനെതിരെയുള്ള പ്രതിഷേധങ്ങളിലും തീരുമാനം കൈക്കൊള്ളും.
ഇതിന് പുറമെ പാർട്ടീ കോൺഗ്രസിന്റെ വേദി സംബന്ധിച്ചും ഇന്ന് തീരുമാനം കൈക്കൊള്ളും. നിലവിലത്തെ റിപ്പോർട്ടുകൾ പ്രകാരം കേരളത്തിലാകും പാർട്ടി കോൺഗ്രസ് നടത്തുക.