പുതിയ മന്ത്രിസഭയിൽ ഏതാണ് വകുപ്പെന്ന് ഔദ്യോഗികമായി അറിയിച്ചിട്ടില്ലെങ്കിലും കാര്യങ്ങൾ ചെയ്തുകാണിക്കുമെന്ന് നിയുക്ത വിദ്യാഭ്യാസ മന്ത്രി വി. ശിവൻകുട്ടി. ഏത് വകുപ്പ് ആയാലും കഴിഞ്ഞ 40 വർഷത്തെ രാഷ്ട്രീയ പ്രവർത്തന പരിചയമുണ്ട്. പഞ്ചായത്ത് പ്രസിഡന്റ്, മേയർ, എംഎൽഎ തുടങ്ങിയ നിലയിലുള്ള പ്രവർത്തനങ്ങളുടെ അടിസ്ഥാനത്തിൽ കാര്യങ്ങൾ മനസ്സിലാക്കി മുന്നോട്ടുപോകുമെന്നും അദ്ദേഹം പറഞ്ഞു.

എതിരാളികളുടെ പരിഹാസമൊന്നും ശ്രദ്ധിക്കാറില്ല. 40 വർഷക്കാലമായി കണ്ടുകൊണ്ടിരിക്കുന്നതല്ലേ. സോഷ്യൽ മീഡിയയിലും ഒരു കൂട്ടർ ഇങ്ങനെ പറഞ്ഞുകൊണ്ടിരിക്കുകയാണ്. അതൊന്നും ഒരു പ്രശ്‌നമല്ല. ബാധിച്ചിട്ടേയില്ല. നമ്മൾ കാര്യങ്ങൾ ചെയ്തുകാണിക്കുക എന്നതു മാത്രമേയുള്ളൂവെന്നും ശിവൻകുട്ടി പറഞ്ഞു.