കോന്നി നിയമസഭാ ഉപതെരഞ്ഞെടുപ്പില്‍ യുഡിഎഫ് സ്ഥാനാര്‍ത്ഥിയായി റോബിന്‍ പീറ്ററെ നിര്‍ദേശിച്ച അടൂര്‍പ്രകാശിനെതിരെ എസ്എന്‍ഡിപി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍.അടൂര്‍ പ്രകാശിനെതിരെ രൂക്ഷ വിമര്‍ശനമാണ് വെള്ളാപ്പള്ളി നടേശന്‍ നടത്തിയത്. 'അടൂര്‍ പ്രകാശ് കുലംകുത്തിയെ പോലെയാണ്. കപടമതേതരവാദിയുമാണ്. സ്വന്തം കാര്യം വരുമ്പോള്‍ മതേതരത്വം മടിയില്‍ വെക്കുന്നയാളാണ്' വെള്ളാപ്പള്ളി പറ‌‌ഞ്ഞു. അധ:സ്ഥിത വിഭാഗങ്ങള്‍ക്ക് വേണ്ടി ശബ്ദം ഉയര്‍ത്തുമെന്നും ഭൂരിപക്ഷ സമുദായത്തിന് ഇടംനല്‍കാത്തത് ജനാധിപത്യമല്ലെന്നും വെള്ളാപ്പള്ളി പറഞ്ഞു. 

മണ്ഡലം നിലനിര്‍ത്താന്‍ ഈഴവ സ്ഥാനാര്‍ത്ഥി തന്നെ വേണമെന്ന നിലപാടിലാണ് കോണ്‍ഗ്രസ് ജില്ലാ നേതൃത്വം. കോന്നിയില്‍ റോബിന്‍ പീറ്ററാണെങ്കില്‍ അരൂരില്‍ ഈഴവ സ്ഥാനാര്‍ത്ഥിയെയാകും കോണ്‍ഗ്രസ് പരിഗണിക്കുക.