എൻഫോഴ്സ്മെൻറ് ഡയറക്‌ടറേറ്റിനെതിരെ(ഇഡി) മുഖ്യമന്ത്രി പിണറായി വിജയൻറെ പരാതി. കിഫ്ബിക്ക് എതിരായ ഇഡി നടപടി തെരഞ്ഞെടുപ്പ് ചട്ടങ്ങളുടെ ലംഘനമാണെന്നും മുഖ്യമന്തി. ഇതു സംബന്ധിച്ച് മുഖ്യമന്ത്രി തെരഞ്ഞെടുപ്പ് കമ്മീഷന് പരാതി നൽകി. കേന്ദ്ര ധനമന്ത്രി നിർമല സീതാരാമൻറെ രാഷ്ട്രീയ താൽപര്യപ്രകാരമാണ് എൻഫോഴ്സ്മെൻറ് ഡയറക്‌ടറേറ്റ് കിഫ്ബി ഉദ്യോഗസ്ഥരെ വിളിച്ചുവരുത്തുന്നതെന്ന് പിണറായി വിജയൻ ആരോപിച്ചു.അന്വേഷണ ഏജൻസികൾ മാതൃകാ പെരുമാറ്റച്ചട്ടം ലംഘിക്കുന്നതിനെതിരെ കമ്മീഷൻ ഇടപെടണമെന്നും മുഖ്യമന്ത്രി ആവശ്യപ്പെട്ടു. ബിജെപി യാത്രയിൽ പങ്കെടുത്ത് ഫെബ്രുവരി 28ന് നിർമല സീതാരാമൻ നടത്തിയ പ്രസ്‌താവന അന്വേഷണ ഏജൻസികളെ രാഷ്ട്രീയമായി ഉപയോഗിക്കുന്നതിൻറ തെളിവാണെന്നും മുഖ്യമന്ത്രി ആരോപിച്ചു. മുഖ്യ തെരഞ്ഞെടുപ്പ് കമീഷണർക്ക് അയച്ച കത്തിലാണ് മുഖ്യമന്ത്രി പരാതികൾ ഉന്നയിച്ചത്.