സ്ഥാനാർഥി നിർണയം അടക്കമുള്ള കാര്യങ്ങൾ ചർച്ച ചെയ്യുന്നതിനുള്ള സി.പി.ഐ സംസ്ഥാന എക്‌സിക്യൂട്ടീവ് യോഗം തുടങ്ങി. സി.പി.എം സംസ്ഥാന നേതൃത്വവുമായി പാർട്ടി സംസ്ഥാന സെക്രട്ടറി കാനം രാജേന്ദ്രൻ നടത്തിയ ഉഭയ കക്ഷി ചർച്ചയുടെ തീരുമാനങ്ങൾ യോഗം ചർച്ച ചെയ്യും. കഴിഞ്ഞ തവണ മത്സരിച്ച 27 സീറ്റുകൾ വേണമെന്ന ആവശ്യത്തിൽ നിന്ന് പിന്നോട്ടു പോകരുതെന്നാണ് സി.പി.ഐ നിലപാട്. എന്നാൽ ജോസ് കെ മാണി വിഭാഗം കൂടി എത്തിയ സാഹചര്യത്തിൽ കഴിഞ്ഞ തവണ മത്സരിച്ച രണ്ട് സീറ്റുകൾ വിട്ട് കൊടുക്കണമെന്ന് സി.പി.എം നേതൃത്വം സി.പി.ഐയോട് ആവശ്യപ്പെട്ടിട്ടുണ്ട്. ഇക്കാര്യം യോഗം ചർച്ച ചെയ്യും.