ബിജെപി സംസ്ഥാന അധ്യക്ഷൻ കെ. സുരേന്ദ്രൻ കെസിബിസി അധ്യക്ഷൻ കർദിനാൾ മാർ ജോർജ് ആലഞ്ചേരിയുമായി കൂടിക്കാഴ്ച നടത്തി. കൊച്ചിയിലെ കത്തോലിക്കാ സഭാ ആസ്ഥാനമായ പിഒസിയിലെത്തിയായിരുന്നു കൂടിക്കാഴ്ച. രാഷ്ട്രീയം ചർച്ച ചെയ്തില്ലെന്നും സൗഹൃദ സന്ദർശനം മാത്രമാണെന്നുമാണ് കെ. സുരേന്ദ്രൻ പ്രതികരിച്ചത്.ആലഞ്ചേരിയെ സന്ദർശിച്ച ശേഷം അദ്ദേഹം ചെല്ലാനത്തെത്തി. തീരദേശത്ത് കടൽ കയറ്റം ഉൾപ്പടെയുള്ള പ്രശ്നങ്ങൾ നേരിടുന്നവരെ സന്ദർശിക്കുക ലക്ഷ്യമിട്ടായിരുന്നു യാത്ര.അതേസമയം, കർണാടക ഉപമുഖ്യമന്ത്രി സി.എൻ. അശ്വന്ത് നാരായൺ എറണാകുളത്ത് കർദിനാൾ മാർ ജോർജ് ആലഞ്ചേരിയുമായി കൂടിക്കാഴ്ച നടത്തി.