പിഎസ്‌സി ഉദ്യോഗാർഥികളുടെ സമരത്തിൽ മുഖ്യമന്ത്രി ഇടപെടുന്നു. സമരക്കാരുമായി ചർച്ച നടത്താൻ മന്ത്രി എ.കെ ബാലനെ മുഖ്യമന്ത്രി ചുമതലപ്പെടുത്തി. ഇന്ന് തന്നെ ചർച്ച നടക്കുമെന്നാണ് സൂചന. നേരത്തെ ഉദ്യോഗസ്ഥ തലത്തിൽ നടത്തിയ ചർച്ചയിൽ തീരുമാനം ആയിരുന്നില്ല. ഈ സാഹചര്യത്തിലാണ് മന്ത്രിതല ചർച്ചയ്ക്ക് സർക്കാർ തീരുമാനം. തെരഞ്ഞെടുപ്പ് പ്രഖ്യാപനം ഇന്നുണ്ടാകും എന്നതിനാൽ അതിനു മുമ്പ് സമരം അവസാനിപ്പിക്കാനാണ് സർക്കാർ ശ്രമം.