പുതുച്ചേരിയിൽ രാഷ്ട്രപതി ഭരണത്തിന്‌ അനുമതി നൽകി കേന്ദ്രസർക്കാർ. കേവലഭൂരിപക്ഷം നഷ്ടപ്പെട്ട പുതുച്ചേരിയിലെ കോൺഗ്രസ്‌-ഡിഎംകെ സഖ്യ സർക്കാർ രാജിവെച്ചിരുന്നു. ഈ സാഹചര്യത്തിലാണ് കേന്ദ്രത്തിന്റെ തിരുമാനം. നിയമസഭ തിരഞ്ഞെടുപ്പിന് മാസങ്ങൾ മാത്രം ശേഷിക്കെയാണ് പുതുച്ചേരിയിൽ രാഷ്ട്രപതി ഭരണം ഏർപ്പെടുത്തിയിരിക്കുന്നത്.തിങ്കളാഴ്ചയാണ് നാരായണ സ്വാമി സർക്കാരിന് സഭയിൽ കേവലഭൂരിപക്ഷം നഷ്ടമായത്. അഞ്ച് കോൺഗ്രസ് എംഎൽഎമാരും ഒരു ഡിഎംകെ എംഎൽഎയും രാജിവെച്ചതോടെയായിരുന്നു സർക്കാർ താഴെ വീണത്. രാജിവെച്ച നേതാക്കളിൽ രണ്ട് പേർ ബിജെപിയിൽ ചേർന്നു. മറ്റുള്ളവരും ഉടൻ ബിജെപിയിൽ അംഗത്വമെടുത്തേക്കുമെന്നാണ് റിപ്പോർട്ടുകൾ.