പാലാ നിയമസഭാ ഉപതിരഞ്ഞെടുപ്പിൽ യു ഡി എഫ് സ്ഥാനാർത്ഥി ജോസ് ടോം വൻ വിജയം നേടുമെന്ന്  എം പി ജോസ് കെ മാണി. ഇപ്പോൾ സംഘടനാ കാര്യങ്ങൾ ചർച്ച ചെയ്യേണ്ട കാര്യമില്ലെന്നും ജോസ് കെ മാണി പറഞ്ഞു. 

'കേരളാ കോൺഗ്രസ്, കോൺഗ്രസ്, ഘടക കക്ഷികൾ എല്ലാം ചേർന്ന് വലിയൊരു ടീം വർക്ക് ആയിരുന്നു. അത് കൊണ്ട് തന്നെ മികച്ച വിജയ പ്രതീക്ഷയാണുള്ളത്. ഈ സന്ദർഭത്തിൽ യുഡിഎഫിനെ ദുർബലപ്പെടുത്തുന്ന യാതൊരു വിധ പ്രസ്താവനയും നടത്താൻ തയാറല്ല. വരാൻ പോകുന്ന അഞ്ച് ഉപ തിരഞ്ഞെടുപ്പുകളിലാണ്  ഇപ്പോൾ ശ്രദ്ധ കേന്ദ്രീകരിച്ചിരിക്കുന്നത്' ജോസ് കെ മാണി പ്രതികരിച്ചു.