പുതുച്ചേരിയിൽ കോൺഗ്രസിൽ കൂട്ടരാജി. 13 നേതാക്കൾ ബിജെപിയിൽ ചേരാൻ ധാരണയായി. ബിജെപി നേതൃത്വവുമായി നേതാക്കൾ ചർച്ച നടത്തി. അഞ്ച് സംസ്ഥാന ജനറൽ സെക്രട്ടറിമാർ മുൻ എംഎൽഎ ഉൾപ്പടെയാണ് രാജി വെച്ചത്. ദിവസങ്ങൾക്ക് മുമ്പ് പുതുച്ചേരിയിൽ കോൺഗ്രസ് സർക്കാരിനെ പ്രതിസന്ധിയിലാക്കി മുൻ പാർട്ടി അധ്യക്ഷനും മന്ത്രിയുമായ നമശിവായം രാജിവെച്ചിരുന്നു.

നമശിവായത്തിനൊപ്പം എംഎൽഎ ദീപാഞ്ജ്ജനും രാജി വെച്ചിരുന്നു. കൂടുതൽ കോൺഗ്രസ് എംഎൽഎമാർ പിന്തുണ പിൻവലിച്ചാൽ സർക്കാർ വീഴും. കഴിഞ്ഞ തെരഞ്ഞെടുപ്പിൽ നാരായണ സ്വാമിക്കൊപ്പം മുഖ്യമന്ത്രി സ്ഥാനത്തേക്ക് കോൺഗ്രസ് പരിഗണിച്ച നേതാവാണ് നമശിവായം. തെക്കൻ തമിഴ്‌നാട്ടിലും പുതുച്ചേരിയിലും വലിയ സ്വാധീനമുള്ള മുതിർന്ന നേതാവാണ് ഇദ്ദേഹം. ഇത്തവണയും മുഖ്യമന്ത്രി സ്ഥാനാർത്ഥിയാക്കാത്തതിൽ അതൃപ്തനായിരുന്നു.