തദ്ദേശ തെരഞ്ഞെടുപ്പിൽ പാർട്ടി സംസ്ഥാന വക്താവ് ബി. ഗോപാലകൃഷ്ണന്റെ തോൽവിയിൽ തൃശൂർ ബിജെപിയിൽ കൂട്ടപ്പുറത്താക്കൽ. ഒമ്പത് നേതാക്കളെയാണ് തൃശൂർ ജില്ലാ കമ്മിറ്റി പുറത്താക്കിയത്. ആറു വർഷത്തേക്കാണു നടപടി.

ഹിന്ദു ഐക്യവേദി ജില്ലാ ജനറൽ സെക്രട്ടറി കെ കേശവദാസ്, കോർപറേഷൻ മുൻ കൗൺസിലർ ലളിതാംബിക തുടങ്ങിയവർ പുറത്തായവരിൽ ഉൾപ്പെടുന്നു. ഗോപാലകൃഷ്ണൻ പരാജയപ്പെട്ട വാർഡിലെ സിറ്റിംഗ് കൗൺസിലറായിരുന്നു ലളിതാംബിക. 41 വോട്ടുകൾക്കാണ് യുഡിഎഫ് സ്ഥാനാർഥി എ.കെ. സുരേഷിനോടു ബിജെപിയുടെ മേയർ സ്ഥാനാർഥിയായിരുന്ന ഗോപാലകൃഷ്ണൻ തോറ്റത്.