ബിജെപിയിൽ നിന്ന് ശോഭാ സുരേന്ദ്രൻ മാറി നിൽക്കുന്നതിന് പ്രത്യേകിച്ച് കാരണവുമില്ലെന്ന് പാർട്ടി സംസ്ഥാന അധ്യക്ഷൻ കെ സുരേന്ദ്രൻ വ്യക്തമാക്കി. സ്ഥാനാർത്ഥികൾക്ക് വേണ്ടി പ്രചരണത്തിന് പോലും ഇറങ്ങാത്തതിന് ഒരു ന്യായീകരണവുമില്ലെന്നും ആർ.എസ്.എസ് സംസ്ഥാന ഘടകത്തെയും ബി.ജെ.പി കേന്ദ്ര നേതൃത്വത്തെയും കെ.സുരേന്ദ്രൻ അറിയിച്ചു.

ബി.ജെ.പി വൈസ് പ്രസിഡൻറായ ശോഭാ സുരേന്ദ്രൻ പാർട്ടിയിൽ നിന്ന് വിട്ടുനിന്ന് പ്രതിഷേധം ഉയർത്തുന്ന രീതി ശരിയല്ല. തനിക്കെതിരെയെന്ന് മാധ്യമങ്ങൾ പറയുന്ന എം. ടി രമേശും പി. കെ കൃഷ്ണദാസും അടക്കമുള്ളവർ തെരഞ്ഞെടുപ്പിൽ സജീവമായി രംഗത്തിറങ്ങിയെന്നും സുരേന്ദ്രൻ പറഞ്ഞു.