തദ്ദേശ തെരഞ്ഞെടുപ്പിലെ യുഡിഎഫിന്റെ മോശം പ്രകടനത്തിലെ വിമർശനം പരസ്യമാക്കി മുസ്‌ലിം ലീഗ്. കോൺഗ്രസ് നേതാക്കന്മാർക്കിടയിലെ ഭിന്നാഭിപ്രായവും അനൈക്യവും തിരിച്ചടിക്ക് കാരണമായെന്നാണ് ലീഗ് കരുതുന്നത്. വെൽഫെയർ പാർട്ടി ബന്ധത്തിലെ വിവാദവും ദോഷമായെന്നാണ് ലീഗിന്റെ വിലയിരുത്തൽ.

നിയമസഭാ തെരഞ്ഞെടുപ്പിന് മുന്നോടിയായി യുഡിഎഫിലും കോൺഗ്രസിലും നേതൃമാറ്റം അനിവാര്യമാണന്ന് ഉന്നതാധികാര സമിതി യോഗത്തിൽ അഭിപ്രായം ഉയർന്നു. യുഡിഎഫ് നേതാക്കൾകിടയിലെ അനൈക്യവും വാക്‌പോരും ഇനിയും തുടർന്നാൽ തദ്ദേശത്തിലെ തിരിച്ചടി നിയമസഭാ തെരഞ്ഞെടുപ്പിലും ആവർത്തിക്കുമെന്നാണ് മുസ്‌ലിം ലീഗ് നേതൃത്വത്തിന്റെ അനുമാനം.