എൻസിപി നേതാവ് ശരത് പവാർ പുതിയ യുപിഎ അധ്യക്ഷനാകും. സോണിയാ ഗാന്ധിക്ക് പകരം ആയിരിക്കും ശരത് പവാറിന്റെ കടന്നുവരവ്. പ്രായോഗിക പരിചയം പരിഗണിച്ചാണ് ശരത് പവാറിനെ പരിഗണിച്ചത്. കഴിഞ്ഞ ദിവസം കാർഷിക നിയമങ്ങൾ സംബന്ധിച്ച് രാഷ്ട്രപതി രാംനാഥ് കോവിന്ദിനെ സന്ദർശിച്ച പ്രതിപക്ഷ നേതാക്കളിലും ശരത് പവാറുണ്ടായിരുന്നു. കോൺഗ്രസ് അധ്യക്ഷയ്ക്ക് കത്തെഴുതിയ 23 വിമത കോൺഗ്രസ് നേതാക്കൾ ഡൽഹിയിൽ യോഗം ചേർന്ന് അധ്യക്ഷ പദത്തിലേക്കുള്ള തെരഞ്ഞെടുപ്പിൽ സ്വീകരിക്കേണ്ട തന്ത്രങ്ങൾ ചർച്ച ചെയ്തു.മഹാരാഷ്ട്ര രാഷ്ഷ്ട്രീയത്തിലെ കിംഗ് മേക്കറായ ശരദ് പവാറിന് വീണു കിടക്കുന്ന കോൺഗ്രസിനെ ദേശീയ രാഷ്ട്രീയത്തിൽ വീണ്ടും ഉയർത്തിക്കൊണ്ടുവരാൻ കഴിയുമെന്ന് പലരും വിശ്വസിക്കുന്നതായാണ് ദേശീയ മാധ്യമങ്ങൾ പറയുന്നത്.