മുഖ്യമന്ത്രി അറിയാതെ പൊലീസുകാർ എങ്ങനെ സ്വപ്നയെ കണ്ടുവെന്ന് പിടി തോമസ് എംഎൽഎ. ബെഹ്‌റയുടെ കയ്യിൽ പിണറായിയുടെ ഒളിക്യാമറയുണ്ടെന്നും പിടി തോമസ് ആക്ഷേപിച്ചു. ജയിൽ ഡിജിപി മൗനിയാകുന്നു. വധഭീഷണി ഉണ്ടെന്ന സ്വപ്നയുടെ പരാതിയിൽ പിണറായി വിജയൻ അന്വേഷണത്തിന് ഉത്തരവിടാത്തത് ദുരൂഹമാണെന്നും പിടി തോമസ് പറഞ്ഞു.

സ്വപ്ന ഉന്നയിച്ച പരാതി എൻഐഎ നേരിട്ട് അന്വേഷിക്കേണ്ട വിഷയമാണ്. ഈ അന്വേഷണത്തിൽ നിന്ന് ബെഹ്‌റയെയും ഋഷിരാജ് സിങ്ങിനെയും മാറ്റി നിർത്തണമെന്നും പിടി തോമസ് ആവശ്യപ്പെട്ടു. പിണറായിയെ കുറ്റവിമുക്തനാക്കിയ ഫോൺ സന്ദേശവും ഇതിന്റെ ഭാഗമാണ്. സ്വപ്ന നേരിട്ട ഭീഷണി പിണറായിക്കു വേണ്ടിയാണെന്നും പിടി തോമസ് ആരോപിച്ചു.