മുഖ്യമന്ത്രി  പിണറായി വിജയന് ജനങ്ങളെ അഭിമുഖീകരിക്കാന്‍ പേടിയാണെന്ന്   ബിജെപി സംസ്ഥാന പ്രസിഡന്റ് കെ.സുരേന്ദ്രന്‍.  സ്വര്‍ണകള്ളക്കടത്തില്‍ മുഖ്യമന്ത്രിയുടെ മുഖം വികൃതമായതോടെയാണ് ആകാശത്ത് നിന്നും ഓണ്‍ലൈന്‍ പ്രചാരണം നടത്തേണ്ട ഗതികേട് ഉണ്ടായതെന്നും തൃശൂര്‍ പ്രസ്‌ക്ലബ്ബ് സംഘടിപ്പിച്ച മീറ്റ് ദ പ്രസ് പരിപാടിയില്‍ കെ. സുരേന്ദ്രന്‍ പറഞ്ഞു.എല്‍ഡിഎഫിന്റെ ഒരു സ്ഥാനാര്‍ത്ഥിയും മുഖ്യമന്ത്രിയുടെ ഫോട്ടോ പോസ്റ്ററില്‍ വരാനോ അദ്ദേഹം പ്രചരണത്തിന് ഇറങ്ങാനോ ആഗ്രഹിക്കില്ലെന്നും അദ്ദേഹം കൂട്ടിച്ചേർത്തു. സ്വർ‍ണ കള്ളക്കടത്ത് കേസിൽ  അന്വേഷണം പൂര്‍ത്തിയായാല്‍ പിണറായി വിജയന് പുറത്തിറങ്ങാനാവില്ലെന്നും അദ്ദേഹം പറഞ്ഞു.