മുന്നോക്ക സംവരണ വിഷയത്തിൽ സർക്കാർ പിന്നിൽ നിന്ന് കുത്തിയെന്ന് എസ്എൻഡിപി ജനറൽ സെക്രട്ടറി വെള്ളാപ്പള്ളി നടേശൻ. ഇടത് സർക്കാരിന് ശക്തി പകരുന്ന പിന്നോക്കക്കാരെ പിന്നിൽ നിന്ന് കുത്തിയെന്നാണ് വിമർശനം.

വിദ്യാഭ്യാസ മേഖലയിലെ മുന്നോക്ക സംവരണത്തിൽ ഗൂഢാലോചനയുണ്ടെന്നും ഇതിന് പിന്നിൽ ഉദ്യോഗസ്ഥരാണോ സർക്കാരാണോ എന്ന് മാത്രമേ ഇനിയറിയാനുള്ളൂ എന്നാണ് വെള്ളാപ്പള്ളി പറയുന്നത്. സാമ്പത്തിക സംവരണം അപരിഹാര്യമായ തെറ്റായി മാറുമെന്നും ഇത് തിരുത്താൻ സർക്കാരിന് ഇനിയും സമയമുണ്ടെന്നും അദ്ദേഹം പറഞ്ഞു.