സർക്കാരിനെതിരെ തുറന്നടിച്ച് പ്രതിപക്ഷ നേതാവ് രമേശ് ചെന്നിത്തല. കൊള്ള സംഘമാണ് കേരളം ഭരിക്കുന്നതെന്ന് രമേശ് ചെന്നിത്തല ആക്ഷേപിച്ചു. സംസ്ഥാനത്ത് സ്വർണക്കടത്തു മുതൽ മനുഷ്യക്കടത്തു വരെ നടക്കുകയാണ്. എം ശിവശങ്കറിനെയും ബിനീഷ് കോടിയേരിയെയും ഇ ഡി അറസ്റ്റ് ചെയ്ത സാഹചര്യത്തിൽ മുഖ്യമന്ത്രിക്കും സർക്കാറിനും ഒരു നിമിഷം അധികാരത്തിൽ തുടരാൻ അർഹതയില്ല. യഥാർഥത്തിൽ സംസ്ഥാന സർക്കാറും സി പി എമ്മുമാണ് അറസ്റ്റിലായിരിക്കുന്നതെന്നും പ്രതിപക്ഷ നേതാവ് കൂട്ടിച്ചേർത്തു.