കേരളത്തിലും ബംഗാളിലും നിയമസഭാ തിരഞ്ഞെടുപ്പുകൾ വരാനിരിക്കുന്ന സാഹചര്യത്തിൽ സി പി എം പോളിറ്റ്ബ്യൂറോ ഇന്ന് യോഗം ചേരും. ഓൺലൈനിലാണ് യോഗം നടക്കുക. ഇരു സംസ്ഥാനങ്ങളിലും ഏതൊക്കെ തരത്തിലുള്ള തിരഞ്ഞെടുപ്പ് സഖ്യങ്ങൾക്കാണ് രൂപംകൊടുക്കേണ്ടതെന്ന കാര്യത്തിൽ പ്രാഥമിക ചർച്ചകൾ യോഗത്തിൽ നടക്കും. കൂടുതൽ വിശദമായ ചർച്ചകൾ അടുത്ത കേന്ദ്രകമ്മിറ്റി യോഗത്തിലുണ്ടാകും. കേരളത്തിൽ ജോസ് കെ മാണി വിഭാഗത്തിന്റെ ഇടതു മുന്നണി പ്രവേശം, സ്വർണക്കടത്തു കേസ് തുടങ്ങിയ വിഷയങ്ങളും പോളിറ്റ് ബ്യൂറോയിൽ ചർച്ചയാകാനിടയുണ്ട്.