സിപിഐഎം ആവശ്യപ്പെട്ടാല്‍ രാജി വെക്കാൻ തയ്യാറെന്നു മന്ത്രി കെ.ടി ജലീല്‍. പ്രതിപക്ഷം അടിസ്ഥാനമില്ലാത്ത ആരോപണങ്ങള്‍ തനിക്ക് നേരെ ഉന്നയിക്കുന്നെന്നും അദ്ദേഹം വെളിപ്പെടുത്തി .

നയതന്ത്ര പാഴ്‌സല്‍ വിവാദത്തില്‍ പ്രതികരിച്ച മന്ത്രി കൗണ്‍സില്‍ ജനറലുമായി തനിക്ക് 2017 മുതല്‍ ബന്ധമുണ്ടായിരുന്നുവെന്നും പറഞ്ഞു.  2017 മുതല്‍ കൗണ്‍സില്‍ ജനറലിന്റെ എക്‌സിക്യൂട്ടിവ് സെക്രട്ടറിയായ സ്വപ്‌നാ സുരേഷുമായും പരിചയമുണ്ടായിരുന്നുവെന്നും മന്ത്രി വ്യക്തമാക്കി.
ഷാര്‍ജാ സുല്‍ത്താന്റെ കുടുംബത്തിന്റെ കാര്യങ്ങളും, പരിപാടികള്‍ ഏകോപിപ്പിച്ചിരുന്നതുമെല്ലാം സ്വപ്‌നാ സുരേഷായിരുന്നു. അന്ന് ഞാനുമായി പരിചയപ്പെട്ടിട്ടുണ്ട്. ഒപചാരികമായി അല്ലാതെ വ്യക്തിപരമായി സ്വപ്‌നാ സുരേഷുമായി ബന്ധമില്ലായിരുന്നുവെന്ന് മന്ത്രി പറഞ്ഞു.