പാലാ : പാലാ ഉപതെരഞ്ഞെടുപ്പില്‍ എല്‍.ഡി.എഫ് സ്ഥാനാർത്ഥി മാണി സി കാപ്പന്‍ ഇന്ന് നാമനിര്‍ദ്ദേശ പത്രിക സമര്‍പ്പിക്കും. പ്രവിത്താനം ളാലം ബ്ലോക് പഞ്ചായത്ത് ഓഫീസിലെ അസിസ്റ്റന്റ് റിട്ടേണിംഗ് ഓഫീസര്‍ മുമ്പാകെയാണ് പത്രിക സമര്‍പ്പിക്കുക. 

സി പി എം ജില്ലാ സെക്രട്ടറി വി എൻ വാസവൻ ഉൾപ്പെടെയുള്ള ജില്ലയിലെ എൽ ഡി എഫ് നേതാക്കൾ പതികാ സമർപ്പണത്തിനു എത്തും. ബുധനാഴ്ച പാലായിൽ നടക്കുന്ന എൽ ഡി എഫ് മണ്ഡലം  കൺവെൻഷൻ മുഖ്യമന്ത്രി പിണറായി വിജയൻ ഉദ്‌ഘാടനം ചെയ്യും. മണ്ഡലത്തിൽ ഇതിനകം തന്നെ മാണി സി കാപ്പൻ വോട്ട് ചോദിച്ചു തുടങ്ങിയിരുന്നു. കേരളാ കോൺഗ്രസ്സിലെ പടലപ്പിണക്കങ്ങൾ തങ്ങൾക്കനുകൂലമായി വോട്ട് ആയി മാറുമെന്ന ശുഭ പ്രതീക്ഷയിലാണ് ഇടതു ക്യാമ്പ്.