Forecast Weather using OpenWeatherMap with PHP

Kerala

  • Wednesday 6:21 am
  • 7th December, 2022
  • Overcast Clouds
24.28°C23.82°C
  • Humidity: 90 %
  • Wind: 1.16 km/h

Breaking News

  • മിൽമ പാൽ വില ലിറ്ററിന് ആറ് രൂപ  കൂട്ടാൻ സർക്കാർ അനുമതി 
  • വില വർധന എന്ന് നിലവിൽ വരുമെന്ന് മിൽമ ചെയർമാൻ പ്രഖ്യാപിക്കും
  • മാധ്യമ പ്രവർത്തകൻ കെ എം ബഷീറിന്റെ മരണം    നരഹത്യ കേസ് ഒഴിവാക്കിയതിനെതിരെ ഹൈകോടതിയിൽ സർക്കാർ അപ്പീൽ
i2i News Trivandrum

തെരുവു നായകളെ ഉപദ്രവിക്കുന്നതും കൊല്ലുന്നതും തടവും പിഴയും ലഭിക്കാവുന്ന കുറ്റമാണെന്ന് പോലീസ്. സ്റ്റേറ്റ് പോലീസ് മീഡിയ സെന്ററിന്റെ ഫേസ് ബുക്ക് പേജിലാണ് ഈ മുന്നറിയിപ്പ് പോസ്റ്റ് ചെയ്തിരിക്കുന്നത്. ‘തെരുവു നായകള്‍ ഉള്‍പ്പെടെയുള്ള മൃഗങ്ങളെ ഉപദ്രവിക്കുന്നതും വിഷം കുത്തിവച്ചോ മറ്റേതെങ്കിലും ക്രൂരമായ രീതിയിലോ കൊല്ലുന്നതും തടവും പിഴയും ലഭിക്കാവുന്ന കുറ്റമാണ്’- എന്നാണ് പോസ്റ്റിലുള്ളത്.

സംസ്ഥാനത്ത് തെരുവു നായ ശല്യവും ആക്രമണവും രൂക്ഷമായതിനാല്‍ പലയിടത്തും ഇവയെ കൂട്ടത്തോടെ കൊല്ലുന്നുണ്ട്. ഈ സാഹചര്യത്തിലാണ് മുന്നറിയിപ്പ്.

അതേസമയം സംസ്ഥാനത്ത് കഴിഞ്ഞ ഏഴ് മാസത്തിനിടെ തെരുവ് നായയുടെ കടിയേറ്റ് ചികിത്സ തേടിയത് രണ്ടു ലക്ഷത്തോളം പേരാണ്. ഏറ്റവും കൂടുതൽ ആളുകളെത്തിയത് തിരുവനന്തപുരം ജില്ലയിലാണ്. കോട്ടയം മെഡിക്കൽ കോളേജിൽ 5966 പേർ ചികിത്സ തേടി. പ്രതിരോധ പ്രവർത്തനങ്ങൾ വൈകിയത് ഓഗസ്റ്റ് സെപ്റ്റംബർ മാസം തെരുവ് നായ ശല്യം രൂക്ഷമാക്കി. വിഷയത്തിൽ വിദഗ്ധ പഠനം വേണമെന്ന് ആരോഗ്യ വിദഗ്ധർ ആവശ്യപ്പെട്ടു. 

2022 ജനുവരു മുതൽ ജൂലായ് 22 വരെയുള്ള ആരോഗ്യവകുപ്പിന്റെ കണക്കിലാണ് രണ്ടു ലക്ഷത്തോളം പേർ തെരുവ് നായ ആക്രമണത്തിൽ ചികിത്സ തേടിയതായി പറയുന്നത്. 

Readers Comment

Add a Comment