ലോകത്തിലെ ഏറ്റവും ദൈർഘ്യമേറിയ കലാമേളയായ സൂര്യാ ഫെസ്റ്റിവലിൽ ഇന്ന് ഡൽഹി സെയിന്റ് സ്റ്റീഫൻസ് കോളജ് മുൻ പ്രിൻസിപ്പാളും, വാഗ്മിയും, ഗ്രന്ധകാരനുമായ  പ്രൊഫ. ഡോ. വത്സൻ തമ്പുവിന്റെ പ്രഭാഷണം നടക്കും.  മാർച്ച് പന്ത്രണ്ട് , ഇന്ന് വൈകിട്ട് , ആറ് മുപ്പതിന്  തിരുവനന്തപുരം, തൈക്കാട് സൂര്യയുടെ ആസ്ഥാനമന്ദിരത്തിനു സമീപമുള്ള ഓഡിറ്റോറിയത്തിൽവെച്ചാണ് പ്രഭാഷണം . 

നവോത്ഥാനത്തിന്റെ അവശേഷിക്കുന്ന അജണ്ടകൾ എന്ന കാലിക പ്രാധാന്യമുള്ള വിഷയത്തെക്കുറിച്ചാണ് പ്രഭാഷണം. ഇന്ന് ഏറ്റവും കൂടുതൽ ദുരുപയോഗം ചെയ്യപ്പെടുന്ന പദമാണ് നവോത്ഥാനം. സ്വാർത്ഥ താല്പര്യത്തോടെ രാഷ്ട്രീയ നേതൃത്വങ്ങളും മത, ആല്മീയ പ്രസ്ഥാനങ്ങളും ഈ പദത്തിന്റെ അർത്ഥവ്യാപ്തിക്കുതന്നെ മാറ്റം വരുത്തിയ സാഹചര്യത്തിൽ നവോത്ഥാനത്തിന്റെ യഥാർത്ഥ അർത്ഥവ്യാപ്തിയെക്കുറിച്ചു അവബോധം നൽകുവാൻ ഉതകുന്നതായിരിക്കും പ്രൊഫ. വത്സൻതമ്പുവിന്റെ ഈ പ്രഭാഷണം . 
ഈ പ്രഭാഷണത്തിന്റെ പുനഃ സംപ്രേക്ഷണം ഐ ടു ഐ ന്യൂസിൽ തിങ്കളാഴ്ച ഉണ്ടാകും .