Breaking News
- തൃശ്ശൂർ മുപ്ലിയത്ത് അതിഥി തൊഴിലാളികൾ ഏറ്റുമുട്ടി,ആറുവയസ്സുകാരൻ വെട്ടേറ്റു മരിച്ചു
- രാഹുലിന് വീണ്ടും'മോദി' പരാമര്ശ കുരുക്ക്; മാനനഷ്ടക്കേസിൽ പാറ്റ്ന കോടതിയിൽ ഏപ്രിൽ 12 ന് ഹാജരാകണം, നോട്ടീസ്
- ലക്ഷദ്വീപ് എം പി മുഹമ്മദ് ഫൈസലിൻ്റെ അയോഗ്യത പിൻവലിച്ചു, ലോക്സഭാ സെക്രട്ടറിയേറ്റ് ഉത്തരവിറക്കി
Your Comment Added Successfully!
സൈനിക മേധാവി ബിപിന് റാവത്തിന്റെ ഹെലികോപ്ടര് അപകട മരണത്തിന് പിന്നാലെ അദ്ദേഹത്തിന്റെ നിലപാടുകളെ വിമര്ശിച്ച് ഗവണ്മെന്റ് പ്ലീഡര് രശ്മിത രാമചന്ദ്രൻ രംഗത്ത്. ഫേസ്ബുക് പോസ്റ്റിലൂടെയാണ് രശ്മിത ചന്ദ്രൻ വിമര്ശനമുന്നയിച്ചത്. പോസ്റ്റിനെതിരെ സോഷ്യല്മീഡിയയില് ഒരുപാട് വിമര്ശനങ്ങളാണ് ഉയർന്നത്. ഇന്ത്യന് സേനകളുടെ പരമോന്നത കമാന്ഡര് രാഷ്ട്രപതിയാണെന്ന സങ്കല്പം മറികടന്ന് മൂന്ന് സേനകളുടെയും നിയന്ത്രണമുള്ള ചീഫ് ഓഫ് ഡിഫന്സ് സ്റ്റാഫായിട്ടാണ് റാവത്തിനെ നിയമിച്ചതെന്നും രശ്മിത കുറിപ്പില് പറയുന്നു. കശ്മീരി പൗരനെ ജീപ്പിന് മുന്നില് കെട്ടിയ ഉദ്യോഗസ്ഥന് മേജര് ലിതുല് ഗൊഗോയിക്ക് കമന്ഡേഷന് കാര്ഡ് സമ്മാനിച്ചത് റാവത്താണെന്നും അവര് വ്യക്തമാക്കി.
സൈനികര് വ്യാജമായി വികലാംഗരാണെന്ന് അവകാശം വാദം ഉന്നയിച്ചെന്ന് റാവത്ത് പറഞ്ഞതായി രശ്മിത കുറിപ്പില് പറഞ്ഞു . സൈന്യത്തിലെ വനിതകളുടെ പ്രവേശനം, പൗരത്വ നിയമം എന്നിവയില് അദ്ദേഹം പ്രതിലോമകരമായ നിലപാട് സ്വീകരിച്ചെന്നും രശ്മിത പോസ്റ്റില് കുറ്റപ്പെടുത്തി. മരണം ഒരാളെയും വിശുദ്ധനാക്കുന്നില്ലെന്ന വാചകത്തോടെയാണ് കുറിപ്പ് അവസാനിക്കുന്നത്.