പാതയോരങ്ങളിലെ കൊടിമരങ്ങൾ നിയമ വിരുദ്ധമായതിനാൽ  എല്ലാ പാർട്ടികളുടെയും സമവായത്തോടെ കൊടിമരം നീക്കം ചെയ്യുന്നതിനെക്കുറിച്ച് ആലോചിച്ച് വരികയാണെന്ന് സർക്കാർ കോടതിയിൽ. പാതയോരങ്ങളിലെ കൊടിമരങ്ങൾ നിയമവിരുദ്ധമാണെങ്കിൽ എന്തുകൊണ്ട് നിയമപരമായ നടപടിയെടുക്കുന്നില്ലെന്ന് കോടതി സർക്കാരിനോട് ചോദിച്ചിരുന്നു. ഇതിന് മറുപടിയായി മുഖ്യമന്ത്രി സർവ്വകക്ഷിയോഗം വിളിക്കുമെന്ന് സർക്കാർ അഭിഭാഷകൻ കോടതിയെ അറിയിച്ചു. വിഷയത്തിൽ മുഖം നോക്കാതെ നടപടിയെടുക്കണമെന്നും കോടതി നിർദേശിച്ചു.